احمد بن علي النزهة الزغيبي
النزهه حيث نقدم خواطرنا واهتماماتنا
الاثنين، 1 ديسمبر 2014
الجمعة، 4 يوليو 2014
في غربتي … قصيدة لصاحب السمو الملكي الامير خالد الفيصل آل سعود
في غربتي عارضت أنا ركب الأغراب
أشد وأنزل والليالي ركايب
أضداد وأقران وعدوان وأصحاب
متناقضات الخلق ماغاب غايب
أسهر مع تهويـم نجمـات الأحبـاب
حتى يصيـر النجـم بالصبـح غايب
أصبح على فجرٍ ضحوكٍ وعجاب
وأمسي على همسات ستر العجايب
وقامت تجاذبني على درب الأسباب
نفس الشباب يحدها عقل اشايب
مشيت في رمضا وسندت بهضاب
وعارضني سيول وهبّت هبايب
وأمسيت في صحرا و قيّلت فـي غاب
ومن طاول الغربـات شـاف العجايب
مرتنـي الدمعـه، بهـا الوجد مـاذاب
في غربة الأشواق راحت هبايب
مرتني البسمـه تقل فوقهـا حجاب
وراك خجلي يـارسول الحبايب
والحب مريتـه غريـبٍ علـى بـاب
عقب القصور أمست قصوره خرايب
بغيت أسلي خاطـره عقب ماشـاب
لقـيـت مـالـه بالتسلي طلايب
أقفى مـع المقفيـن وجـلٍ ومرتـاب
على عقـوق الوقـت بالحيل عايب
في غربتي مريـت رجلي وركـاب
أرزاق من رب الخلايق وهايـب
قصيدة لصاحب السمو الملكي الامير خالد الفيصل آل سعود
الثلاثاء، 1 يوليو 2014
قصيدة خمسين عام… لصاحب السمو الملكي الامير خالد الفيصل آل سعود
الأحد، 29 يونيو 2014
قصيدة حنا العرب… لصاحب السمو الملكي الامير خالد الفيصل آل سعود
السبت، 28 يونيو 2014
قصيدة الوافر لأبو بكر الخوارزمي رحمة الله
الأربعاء، 25 يونيو 2014
قصيدة لا هنت … لصاحب السمو الملكي الامير خالد الفيصل آل سعود
و الله ما احطك بالقبـر لكـن آمنـت
باللي جعل دفـن المسلميـن مسنـون
منزلك يا عز الشـرف لـو تمكنـت
فوق النجوم اللي تعلّت علـى الكـون
سكنت دار المجد يا شيـخ واسكنـت
شعبك معك في منزل العـز ممنـون
صنت العهد يا وافي العهد مـا خنـت
علمتهم وشلـون الاشـراف يوفـون
كم ظالمٍ عاداك واعفيت واحسنت
و اخلفت ظن جموع ناسٍ يظنـون
شلت الامانه حافظٍ مـا تهاونـت
شفنابك رجالٍ على النفس يقـوون
ياللي طلبهـا الملـك بالحـب زينـت
عرشك بتاج قلوب شعبٍ يحبـون
اونت تـاج الملـك مـا قـد تلونـت
ما غرتك دنياك مـا صـرت مفتـون
بالزهد و المعروف والصبـر كونـت
منهاج فيصل منهـج اللـي يعذلـون
تلفتت روس المخاليـق ويـن انـت ؟
وين العظيم؟ وعوّد الشوف مطعون
كم خافقٍ وقف عقب مـا تكفنـت
وكم ناظرٍ ذوب سـواداه معـزون
لو شفت حال النـاس عقبـك تبينـت
مقـدار حـب النـاس للـي يـودون
مما بقلبـي قلـت: يابـوي لاهنـت
وإلا انت فوق القول مهمـا يقولـون