لاهنت يـا راس الرجاجيـل لاهنـت
لاهان راسٍ في ثرى العود مدفون
و الله ما احطك بالقبـر لكـن آمنـت
باللي جعل دفـن المسلميـن مسنـون
منزلك يا عز الشـرف لـو تمكنـت
فوق النجوم اللي تعلّت علـى الكـون
سكنت دار المجد يا شيـخ واسكنـت
شعبك معك في منزل العـز ممنـون
صنت العهد يا وافي العهد مـا خنـت
علمتهم وشلـون الاشـراف يوفـون
كم ظالمٍ عاداك واعفيت واحسنت
و اخلفت ظن جموع ناسٍ يظنـون
شلت الامانه حافظٍ مـا تهاونـت
شفنابك رجالٍ على النفس يقـوون
ياللي طلبهـا الملـك بالحـب زينـت
عرشك بتاج قلوب شعبٍ يحبـون
اونت تـاج الملـك مـا قـد تلونـت
ما غرتك دنياك مـا صـرت مفتـون
بالزهد و المعروف والصبـر كونـت
منهاج فيصل منهـج اللـي يعذلـون
تلفتت روس المخاليـق ويـن انـت ؟
وين العظيم؟ وعوّد الشوف مطعون
كم خافقٍ وقف عقب مـا تكفنـت
وكم ناظرٍ ذوب سـواداه معـزون
لو شفت حال النـاس عقبـك تبينـت
مقـدار حـب النـاس للـي يـودون
مما بقلبـي قلـت: يابـوي لاهنـت
وإلا انت فوق القول مهمـا يقولـون
و الله ما احطك بالقبـر لكـن آمنـت
باللي جعل دفـن المسلميـن مسنـون
منزلك يا عز الشـرف لـو تمكنـت
فوق النجوم اللي تعلّت علـى الكـون
سكنت دار المجد يا شيـخ واسكنـت
شعبك معك في منزل العـز ممنـون
صنت العهد يا وافي العهد مـا خنـت
علمتهم وشلـون الاشـراف يوفـون
كم ظالمٍ عاداك واعفيت واحسنت
و اخلفت ظن جموع ناسٍ يظنـون
شلت الامانه حافظٍ مـا تهاونـت
شفنابك رجالٍ على النفس يقـوون
ياللي طلبهـا الملـك بالحـب زينـت
عرشك بتاج قلوب شعبٍ يحبـون
اونت تـاج الملـك مـا قـد تلونـت
ما غرتك دنياك مـا صـرت مفتـون
بالزهد و المعروف والصبـر كونـت
منهاج فيصل منهـج اللـي يعذلـون
تلفتت روس المخاليـق ويـن انـت ؟
وين العظيم؟ وعوّد الشوف مطعون
كم خافقٍ وقف عقب مـا تكفنـت
وكم ناظرٍ ذوب سـواداه معـزون
لو شفت حال النـاس عقبـك تبينـت
مقـدار حـب النـاس للـي يـودون
مما بقلبـي قلـت: يابـوي لاهنـت
وإلا انت فوق القول مهمـا يقولـون
قصيدة لصاحب السمو الملكي الامير خالد الفيصل آل سعود
اللهم ارحم الملك الشهيد فيصل بن عبدالعزيز آل سعود واجمعنا به ووالدي والمسلمين أجمعين بالفردوس الأعلى برفقة وصحبة المصطفى ﷺ.
ليست هناك تعليقات:
إرسال تعليق